Ubora wa Maziwa ni kwa kula mlo Kamili .

Ubora wa Maziwa ni kwa kula mlo Kamili .

Unyonyeshaji mamalog   7:55 AM

Kwa mama unayenyonyesha tambua kuwa maziwa anayopata mtoto kutoka  kwako ubora wake hutokana na kile chakula ulichokula ukiwa mjamzito na hadi sasa unaponyonyesha.

Inashauriwa kwa mama anayonyesha kula mlo kamili ili mtoto apate virutubisho vyote muhimu vitakavyojenga afya ya mwili na ya akili na ukuaji kwa ujumla.  

Baadhi ya akina mama huwa wanashindwa kutofautisha kati ya vichocheo vya kuongeza maziwa na ubora wa maziwa. Mfano mama anayejifungua kwa mara ya kwanza huweza kujikuta hatoki maziwa. Kwa kawaida watu walio karibu naye humshauri anywe uji wa pilipili na supu kwa wingi, nyanya chungu,kutafuna mihogo na vingine vingi. Wakati mwingine anaambiwa anywe chai ya tangawizi. Lakini ikumbukwe kuwa huu  sio mlo wa mama anayenyonyesha. Bali ni vichocheo vya kuchagiza maziwa yatoke. Kimsingi kutotoka kwa maziwa kunasababishwa na mmabo mengi ikiwemo kutokuwa tayari kwa mzazi kisaikolojia. kutokuwa tayari kunahusisha hofu au uoga wakati mwingine hekaheka za kipindi cha ujauziti zilimchosha mama, lakini kubwa kuliko yote ni mlo gani alikuwa anakula mama huyo kipindi akiwa mjamzito?

Ubora wa viini lishe vinapatikana katika chakula ambacho kimezingatia Makundi yote  ya chakula.Supu ya mboga mboga ni muhimu sana  kwa ajili ya vitamini. 

Mlo  uliokamilisha makundi yote ya chakula. 

(Picha hii ni kwa hisani ya #wives_and_mothers)

Mama anayekula vizuri maziwa huwa mengi na yenye Ubora. 

Wiki ya Unyonyeshaji Duniani

Wiki ya Unyonyeshaji Duniani

Malezi Kibaiolojia mamalog   12:27 AM

Nchi zaidi ya nchi 170 duniani zinasherehekea wiki ya unyonyeshaji kuanzia Agosti Mosi hadi Agost 7, ili kuchagiza jukumu la onyonyeshaji kwa lengo la kuboresha afya wa watoto kote duniani.

Kwa mujibu wa shirika la afya duniani WHO kunyonyesha ni njia bora ya kuwapatia watoto wachanga virutubisho muhimu na vya kipekee wanavyohitaji mwilini.

Shirika hilo linapendekeza watoto kupewa maziwa ya mama mara tu anapozaliwa kuanzia saa moja baada ya mtoto kuzaliwa hadi miezi sita.

(Picha kwa hisani ya peacefulearthgracefulbirth.worldpress. com). 

Maziwa ya mama ndio chakula pekee cha mtoto wa kuanzia mwezi sifuri hadi sita kinachomjenga mtoto kimwili, kiakili na kijamii.  
Kunyonyesha sio tendo tu la kumpa mtoto chakula chake bali ni  moja Wapo ya sehemu ya Malezi ya mwanzo. 

Kila  mama anayenyonyesha hufanya mahusiano ya kijamii na mwanae. Mtoto anaponyonya anajifunza upendo kutoka kwa mama ndio maana akinyonya huwa haachi kumwangalia mama yake usoni ili aisome ishara. kadiri anavyoendelea kunyonya mtoto huanza pia kutaka kujaribu mamlaka ya mama kwake. Na hapa mama anapaswa kujua hilo jaribio likichekewa mtoto anakudharau. Ukiwa unamnyonyesha mtoto akakuuma ujue huo sio mchezo. Mkemee haraka sana.Na hatarudia. Kuna maelezo mengi kuhusu hiyo tabia lakini usimng'ate na wewe au kumchapa kibao au chocolate cha kuumiza mwili bali akikuuma mnyime kunyonya kwa wakati huo kisha mpe  aendelee akirudia tena mnyime hadi aelewe titi ni la kunyonya tu sio kuuma. 

Ukifanya hivyo utakuwa umeweka msingi wa kwanza wa kutii mamlaka. 

Hata hivyo kwa Mujibu wa Utafiti uliofanywa na wizara ya afya nchini imebainika kuwa ni asilimia 51% tu ya watoto wenye umri wa Miezi 0 hadi sita  wanaonyenyeshwa kikamilifu. 

Inashauriwa

 Mtoto anyonye hadi umri wa miaka mwili. 

#chochea tabianjema@mnyonyeshemtoto kwa maendeleo

tukutane kesho. 

Hatua za Ukuaji wa Mimba

Hatua za Ukuaji wa Mimba

Ujauzito mamalog   2:05 AM

Kijusi (zygote)

Hatua ya kwanza huanza tangu yai la mama linapokutana na virutubisho toka kwa baba ambapo hutengenezwa kijusi (zygote).

Kuvunjwa vunjwa kwa seli hadi kukamilisha hatua ya kwanza, huchukua kipindi cha wiki kama mbili ndipo kijusi  (zygote) hujikita vizuri  katika mji wa mimba.

Kipindi hiki mwanamke anayetarajia mtoto akipima atagundulika kuwa ni mjamzito na hata yeye mwenyewe huweza kuhisi dalili za mabadiliko.

Kiini cha Mimba (embryo).
Tangu wiki ya nane  (8) baada ya mimba kutungwa, kipindi hiki kiwango katika kugawanyika kwa seli kunaongezeka, mhimili wa kuzilinda hutengenezwa na viungo vinaanza kuonekana.
Wakati kijusi kikijishikishiza vizuri katika ukuta wa mji wa mimba, seli zake hutengeneza tabaka mbili. Kwa wakati huu kijusi hubadilika na kuwa kiini cha mimba (embryo).

Tabaka la ndani la kiini hiki  hutengenezwa kuwa mfumo wa kumeng’enya chakula  na mfumo wa hewa.

Tabaka la nje linatengenezwa kuwa mfumo wa fahamu, viungo vya hisia mbalimbali vya mwili huanza kuundwa.

Viungo vya hisia kama masikio, pua, macho na ngozi; nywele na kucha. Sehemu ya katikati hutengenezwa kuwa mifupa, misuli na mfumo wa uzazi. Kimsingi sehemu hii ya kiini cha mimba hutengezwa viungo vya
ndani ya mwili.

Yanayojiri katika Mji wa Mimba
Baada ya kutengenezwa kwa sehemu kuu tatu za kiini cha mimba, mfumo wa kusaidia ukuaji wa mtoto hutengenezwa sasa.

Mfumo huu ni pamoja na kondo la nyuma, kamba ya kitovu, ambayo huwa na mishipa miwili ya ateri na veini moja ambayo humuunganisha mtoto na kondo la nyuma na fuko la mimba ambalo ndilo hubeba yale maji ambayo ni maalumu kwa kumtunza mtoto hadi atakapozaliwa.

Kimsingi kabla hata mama mtarajiwa hajajua kama ni mjamzito, yote haya yanakuwa yemekuwa yamekwishafanyika katika tumbo lake. Katika wiki ya tatu uti wa mgongo wa mtoto  huanza kutengenezwa.

Katika kipindi cha siku 21, macho huanza kutokeza na siku 24, seli za moyo huanza kujigawanya.

Katika wiki ya nne via vya uzazi huanza kujulikana kama ni Me au ni Ke na vifuko kwa ajili ya mikono na miguu kujitokeza.

Vyumba vinne vya moyo huanza kujitengeza na mishipa ya damu huanza kujitokeza.

Tangu wiki ya tano hadi ya nane mikono na miguu huanza kutofautiana na wakati huu pia uso unaaza kutokeza ingawa si rahisi kujulikana.
Itaendelea…..

Ujauzito

Ujauzito

Malezi Kibaiolojia mamalog   10:02 AM

Ujauzito umekuwa ukichukuliwa kama jambo la kawaida.Kwa wanawake wengi ambao ni mara yao ya kwanza kuitwa mama na wanaume ambao pia ni mara yao ya kwanza kuitwa baba, jambo hili si la kawaida sana. Ni furaha isiyoelezeka.Hivyo basi  Taarifa sahihi kwenu mnaopata mtoto kwa mara ya kwanza ni hatua ya kwanza ya malezi. 

Malezi haya yanaanza na Wiki 36-40 za Ujauzito.Ndio Malezi ya Kibaolojia. 

Fuatilia hapa kwa maelezo zaidi upate kujua zaidi

Malezi ya Kibaiolojia

Malezi ya Kibaiolojia

Malezi Kibaiolojia Unknown   2:56 AM

Serikali ya George W. Bush ilifanya mpango ili watu wa ukoo wa Osama bin Laden waondolewe Marekani ili wasibughudhiwe. Machi 28, 2005, gazeti ‘Daily Time’s la Pakistan, likiripoti kutoka Washington DC., Marekani, lilidai kuwa FBI (Shirika la Upelelezi la Marekani) iliwasaidia Wasaudia kuondoka baada ya mashambulizi ya Septemba 11.”

Katika toleo lililopita tulilinukuu gazeti hilo lilisema hivi: “FBI walishiriki kikamilifu kuandaa ndege kwa ajili ya makumi ya raia wa Saudia—wakiwamo ndugu wa Osama bin Laden—baada ya mashambulizi ya kigaidi ya 9/11.”

Taarifa hiyo ilichapishwa pia katika gazeti ‘New York Times’ toleo la Jumapili iliyokuwa imepita, likitaja vyanzo vya serikali ya Marekani. ‘The Times’ lilisema nyaraka ilizozipata kutoka serikalini zinaonesha kuwa mawakala wa FBI walizilinda na kuzisindikiza familia mbili za Kisaudia kuondoka Marekani, na Wasaudia wengine waliruhusiwa kuondoka bila hata kupekuliwa au kuhojiwa.

Tulieleza pia kuwa ndege zilizowabeba raia hao wa Saudi Arabia ziliandaliwa baada ya tukio la Septemba 11 wakati kukiwa na madai kuwa kuna uhusiano na ushirika kati ya Rais George W. Bush na familia ya kifalme ya Saudi Arabia na ile ya bin Laden.